هههههههههه وقعتوا في المقلب هههههه
مش قولتلكم يا جماعة أنا لما راسي تكبر مش هاتخلصوا مني
قعدتوا تقوللولي مواضيعك توحفة و ابداع و مش عارفة ايه
آدي آخرتها لزقتلكم في الكرسي و مش هاطلع و لا حتي بالبوتاس ههههههههه
تسلمو لي يا رب علي كلامكم الحلو ربنا يخليكوا كلكم ليا و يخلي
ميكس ديزاين لينا كلنا و يخليني ليكم طبعا << كف
ربنا دايما يجمعنا علي خير و ما يحرمناش من بعض أبدا ابدا ... آمين يا رب
بس مشكلة و الله الواحد اتفاجئ يعني كنت امبارح نعناعة الشغالة
و النهاردة مديرة منتدي << صدق من قال الدنيا دوارة ههههههه
الضمير يتحدث : بجد يا روؤي انتي متفاجأة يعني مش انتي اللي زورتي في الانتخابات
و طلعتي بلطجية يروحوا للمديرة و يهددوها
و عملتي استايل الخريف البني في أول الربيع و كل سنة تحطي موضوع
و ما يشوفوكيش تاني زي ما تكوني بتهربي ممنوعات
و ............ إلخ إلخ إلخ
خلاص يا ضمير الله يخررب بيت شيطانك اتفضحت خلاص ......
ما تصدقوش كل االكلام اللي بيقوله دا علي فكرة يا جماعة
هو معظمه بس صح انما الباقي كله غلط
أنا امبارح داخلة عادي أزن علي دماغ ايرو كالمعتاد و عاملة فيها بقي بنت خالتها و
قلتلها اسامي اخواتها كلهم غلط
بس هي طبعا الذوق كله و عارفة الشيخوخة و الزهايمر فلم تعلق ... و قالتلي الاتي :
قومي انشري الغسيل و اغسلي المواعين و خلي اوضتك منظرها اوضة بني أدمين
و سرحي شعرك بدل ما انتي شبه خيال المآتة .. << لا لا مش دا دي ماما
ايرو قالتلي الاتي :
طبعا دي اسرار عسكرية لا يمكن الاطلاع عليها بس برضه علشان
الشفافية و حرية التعبير عن الرأي حطلينالكم نسخة كربونية مصورة مشفرة
و بعدها حصلت الخيانة العظمي و اتكتب اسمي في التاريخ باللون الأحمر
و توتة توتة خلصت الحدوتة
حلوة و لا ملتوتة
شكلي كدا هاحطم الرقم القياسي في أسرع مديرة تطرد من المنتدي ههههههههه
بس احب اطمنكم ايام الدلع و الراحة خلاص خلصت
و المنتدي هايتحول لوحدة عسكرية
و هاطلعلكم فرمانات ادارية صارمة
و العقوبات لن تخضع لحقوق الانسان << فقط للتنويه و احاطتكم علما بالنظام الجديد
مش باقلكم هاتطرد من قبل ما اتعين هههههههههههه
خلاص خلصت وصلة التهييس
اروح بقي اعملي موضوعين عليهم القيمة حفظا لماء الوجه
و عقبال عندكم يا بنات << هي خطوبة يا بني أدمة ارحمنا يا رب من نعمة الغباء